مميزات في محرك البحث duckduckgo
100 100 100

مميزات في محرك البحث duckduckgo

duckduckgo

كبرنا وعارفين ان #Google هو شيخ محركات البحث
حتي #Bing لم يستطع ان يواجهه رغم لوغاريتمات البحث القوية اللي استخدمت في برمجته - و #Yahoo طبعا عارفين انه انتهى 


لكن وجد اليوم بديل لـ Google في اﻷشهر اﻷخيرة قوي وسلس بدرجة كبيرة تهز عرش جوجل الي حد ما  - duckduckgo محرك بحث جميل واهتموا في انهم يعالجوا اﻷخطاء اللي جوجل دائما بتنتقد عليها
لماذا ستتستخدم #duckduckgo ؟
1- الخصوصية
وفقا للي مكتوب فالموقع مبيسجلش تحركاتك ولا اهتمامتك وده عكس تماما جوجل اللي بيـ track كل خطوة او click انت بتعملها علي جهازك
2- تشغيل الميديا مباشرة
زي جوجل بالظبط لو دورت علي كلمة بحث معينة وليكن اسم مطرب مثلا هيجيبلك كل اﻷخبار المتعلقة بيه والصور والفيديوهات بس زيادة عليه انك ممكن تتفرج علي الفيديوهات جوا صفحة البحث ذات نفسها
3- مفيش اعلانات !
بكل بساطة بيديك الاختيار في صفحة الاعدادات انك تقفل ظهور الاعلانات - انا نفسي مكنتش مصدقها لغاية ما جربتها بنفسي
4- الاجابات في صفحة البحث
لو دورت مثلا علي دولة ما او مصطلح رياضي هيجيلك المعلومات عنه بدون ما تسيب صفحة البحث بتاعتك - اللي جوجل مؤخرة بدأت تفعلها
5- التخصيص
- تحديد المنطقة التي تريد واللغة
- تشغيل أو إيقاف البحث الآمن (إذا كنت تريد نتائج مصنفة ومفلترة للبالغين)
- النتائج والأجوبة الفورية
- تمكين التمرير اللانهايي أو Auto-Load
- فتح النتائج من خلال نافذة أو تبويب جديد تلقائيا
- اقتراحات أثناء الكتابة والبحث
- تغيير ألوان الروابط والنصوص والروابط وأزار الخلفية
6- الاختصارات
تخيل انك تدور علي موقع معين باختصار ! يعني مثلا لو كتبت "!yt" هياخدك الموقع لليوتيوب - فكرة جميلة جدا فعلا
هتلاقي كل الاختصارات هنا : https://duckduckgo.com/bang.html
يمكن الموقع مش بنفس قوة جوجل بس في الفترة الجاية ممكن نسمع اسمه كثير خصوصا انه منافس مش قليل في فترة صغيرة
التعليقات
0 التعليقات
شكرا على تعليقك ❤